ओली पक्राउको विरोधमा माइतीघरमा दिउँसो ३ बजे प्रदर्शन हुँदै

काठमाडौं: नेकपा एमालेका अध्यक्ष केपी शर्मा ओलीको पक्राउको विरोधमा आज दिउँसो ३ बजे माइतीघरमा जनसंगठनहरूको तर्फबाट विरोध प्रदर्शन हुने भएको छ । 

एमाले सचिव महेश बस्नेतका अनुसार अपराह्न ३ बजे माइतीघरमा जनसंगठनहरूको तर्फबाट विरोध प्रदर्शन हुने भएको हो ।

एमालेको सचिवालय बैठकले भोली सबै जिल्लामा प्रमुख जिल्ला अधिकारीलाई विरोध पत्र बुझाएर आन्दोलनको शुरुवात गर्ने निर्णय गरेपनि भातृ संगठनहरुले भने आजदेखि नै प्रदर्शन गर्ने भएका छन ।

गत भदौ २३ र २४ गते भएको जेन–जी आन्दोलनको छानबिन गर्न गठित पूर्वन्यायाधीश गौरीबहादुर कार्कीको संयोजत्वको आयोगले दिएको सिफारिसको आधारमा सरकारको निर्णय अनुसार प्रहरीले शनिबार बिहान ओली र पूर्वगृहमन्त्री रमेश लेखकलाई पक्राउ गरेको छ ।