कानुन तथा नियमावली बनाउने काम कर्मचारीले होइन सांसद र विज्ञले गर्नुपर्छ- महावीर पुन

काठमाण्डौ, १२ चैत्र । सांसद महावीर पुनले कर्मचारीहरुले अरुका कुरा पटक्कै नसुन्ने हुनाले ऐन कानुन तथा नियमावलीहरु बनाउने काम सांसद र सम्बन्धित क्षेत्रका विज्ञहरुले गर्नुपर्ने बताएका छन् ।

सामाजिक सञ्जालमा टिप्पणी गर्दै पुनले आउने दिनहरुमा ऐन कानुन तथा नियमावलीहरु बनाउने काम दुरदृष्टि भएका सासंदहरु र सम्बन्धित क्षेत्रका विज्ञहरुले गर्नुपर्ने र कर्मचारीले त्यसलाई कानुनको ढाँचामा मिलाउने मात्र गर्नुपर्ने बताएका छन् ।

उनले अहिलेसम्म कानुन बनाउने अधिकांश काम उपसचिव र सहसचिवहरुले गर्छन जसले दुरदृष्टि भएका नेताहरु र विज्ञहरुको कुरा पटक्कै नसुन्ने दाबि गरेका छन् । देशमा कर्मचारीतन्त्र हावी हुनुको प्रमुख कारण यहि भएको बताउदै सांसद पुनले आफैले धेरै पटक भोगेको यो तितो अनुभव रहेको उल्लेख गरेका छन् ।