रास्वपाका बाचा जनताले पत्याए, कसरी चलाउछन उनीहरुको कुरा हो - गोकुल बास्कोटा

काठमाडौँ: नेकपा एमालेका नेता गोकुल बास्कोटाले यसपटक जनताको रोजाइमा राष्ट्रिय स्वतन्त्र पार्टी परेको बताएका छन् ।

उनले रास्वपाले चुनाव जितेको उल्लेख गर्दै सरकार सञ्चालन कसरी गर्ने भन्ने जिम्मेवारी अब सोही दलको भएको स्पष्ट पारे । नयाँ सरकारले काम सुरु गरेको तीन महिनासम्म अन्य दलले टिप्पणी गर्नु उचित नहुने उनको भनाइ छ ।

बास्कोटाले जनता सधैं साझा रहने भए पनि यसपटक मतदाताले रास्वपालाई विश्वास गरेको बताउदै जनताले उक्त दलका प्रतिबद्धतामा भरोसा गरेका कारण चुनावी परिणाम त्यसअनुसार आएको बताएका छन् ।

उनले भनेका छन्- 'रास्वपाले चुनाव जित्यो । चलाउछन कसरी ? त्यो उनीहरुकै कुरा । नयाँ सरकारले काम थालेको तीन महिना सम्म अरुले केही बोल्नु नै बेकार हो । जनता साझा थिए, छन र हुने नै छन । फरक कति मात्र हो भने आम जनताको रोजाईमा यस पल्ट उनीहरु परे, अझ यसो भनौ उनका बाचा जनताले पत्याए । खाँबो चिथोर्न बन्द गरे हुने !'