गृहमन्त्री अर्यालसहित उच्चस्तरीय टोलीले निर्वाचन सुरक्षा अनुगमन गर्दै

२०८२ फाल्गुण १७ आइतवार

(राजनीति)

सारांश

आसन्न प्रतिनिधिसभा निर्वाचनलाई लक्षित गर्दै गृहमन्त्री ओमप्रकाश अर्याल नेतृत्वको उच्चस्तरीय सुरक्षा टोली सुदूरपश्चिम प्रदेशका विभिन्न जिल्लामा निर्वाचन सुरक्षा अनुगमनमा निस्किएको छ ।

काठमाण्डौ, १७ फाल्गुण । आसन्न प्रतिनिधिसभा निर्वाचनलाई लक्षित गर्दै गृहमन्त्री ओमप्रकाश अर्याल नेतृत्वको उच्चस्तरीय सुरक्षा टोली सुदूरपश्चिम प्रदेशका विभिन्न जिल्लामा निर्वाचन सुरक्षा अनुगमनमा निस्किएको छ ।

उनीसँग गृहमन्त्रालयका सचिव राजकुमार श्रेष्ठ, प्रहरी महानिरीक्षक दानबहादुर कार्की, सशस्त्र प्रहरी प्रमुख राजु अर्यालसहितको टोली सहभागी रहेको छ । टोलीले बाँके, बझाङ, बाजुरा र धनगढीका मतदान केन्द्र र सुरक्षा व्यवस्थाको स्थलगत अनुगमन गर्ने छ ।

गृहमन्त्रीका निजी सचिव पर्शुराम पोखरेलका अनुसार टोलीले मतदान केन्द्रको सुरक्षा, समग्र निर्वाचनको वातावरण र सम्बन्धित सुरक्षा निकायको तयारी मूल्यांकन गर्दै आवश्यक निर्देशन दिनेछ ।

यसअघि शुक्रबार गृहमन्त्री अर्याल, कार्यवाहक प्रमुख निर्वाचन आयुक्त रामप्रसाद भण्डारीसहितको टोलीले दोलखा, ओखलढुंगा, मोरङ, रौतहट र पर्शामा निर्वाचन तयारी र शान्ति सुरक्षाबारे जिल्ला सुरक्षा समिति, प्रमुख राजनीतिक दल र मतदान अधिकृतसँग छलफल गरेको थियो ।

मन्त्रालयले सरकारले स्वच्छ, निष्पक्ष र भयरहित वातावरणमा निर्वाचन सम्पन्न गर्न सुरक्षा रणनीति प्रभावकारी बनाएको छ। प्रतिनिधिसभा सदस्य निर्वाचन एकीकृत योजना २०८२ अन्तर्गत निर्वाचन अघि, अवधिमा र पछि मतपत्र सुरक्षा सुनिश्चित गर्दै निर्वाचन तयारी पूरा गरिएको जनाएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

इरानको आन्तरिक संरचना र मध्यपूर्वको युद्ध

मध्यपूर्वमा डलर, तेल, र धर्मको मिश्रणले राजनीति, कूटनीति, र द्वन्द्व सिर्जना गरेको छ । यसले मुख्य उद्देश्य सभ्यताको रक्षा तथा नेतृत्व जस्तो देखिन सक्छ । यही कारणले यो संघर्ष करिब अन्तहीन जस्तो देखिन्छ । केही समयको विश्रामपछि नयाँ संस्करणको युद्ध फेरि सुरु हुन्छ ।