चर्चित निर्वाचन क्षेत्र: अछाम-१ को चुनावी गणित, भीम रावललाई कति छ चुनौती ?

२०८२ फाल्गुण १० आइतवार

(राजनीति)

सारांश

फागुन २१ गते हुने प्रतिनिधि सभाको निर्वाचनमा सबै भन्दा बढी चर्चामा रहेको क्षेत्र मध्ये एक सुदूरपश्चिम प्रदेशको अछाम जिल्लाको क्षेत्र नम्बर १ पनि चर्चामा रहेको छ ।

काठमाण्डौ, १० फाल्गुण । फागुन २१ गते हुने प्रतिनिधि सभाको निर्वाचनमा सबै भन्दा बढी चर्चामा रहेको क्षेत्र मध्ये एक सुदूरपश्चिम प्रदेशको अछाम जिल्लाको क्षेत्र नम्बर १ पनि चर्चामा रहेको छ । यस क्षेत्रमा नेपाली कम्युनिष्ट पार्टीका नेता भीम रावल उम्मेदवार रहेका कारण यो क्षेत्र चर्चामा रहेको छ ।

अछामको क्षेत्र नम्बर १ संसदीय निर्वाचन क्षेत्रमा साँफेबगर नगरपालिका, मेल्लेख गाउँपालिका, चौरपाटी गाउँपालिका, बान्नीगढी जयगढ गाउँपालिका र रामारोशन गाउँपालिका समावेश रहेका छन् ।

निर्वाचन आयोगका अनुसार अछाम- १ मा मतदान गर्न सक्ने कुल मतदाताको संख्या ८२ हजार ५१३ जना रहेका छन् । यस क्षेत्रमा यस निर्वाचनमा १०५ मतदान केन्द्र तोकिएको छ ।

पछिल्लो निर्वाचन- २०७९

२०७९ को निर्वाचनमा अछाम- १ बाट एकीकृत समाजवादीका शेरबहादुर कुँवर विजयी भएका थिए । कुँवरले १९ हजार ५३४ मत प्राप्त गरेका थिए । त्यस्तै दोस्रो भएका नेकपा एमालेका झपट बहादुर बोहराले १५ हजार ४५ मत प्राप्त गरेका थिए । यस निर्वाचनमा काँग्रेस र माओवादी केन्द्रले एकीकृत समाजवादीलाई समर्थन गरेको थियो ।

२०७९ को समानुपातिकतर्फ नेपाली काँग्रेसले १४ हजार ५२५ मत प्राप्त गरेको थियो । त्यस्तै एमालेले १३ हजार ९६८ मत प्राप्त गर्यो भने माओवादी केन्द्रले ७ हजार २२८ मत प्राप्त गरेको थियो ।

उम्मेदवार- २०८२

यस पटक अछाम-१ मा एक स्वत्रन्त्रसहित दलहरुका गरेर कुल ८ जना उम्मेदवार चुनावी मैदानमा रहेका छन् । यस निर्वाचनमा नेकपाबाट भीम रावल, नेकपा एमालेले दिपक बहादुर साउद, नेपाली काँग्रेसबाट भरत कुमार स्वार उम्मेदवार बनेका छन् । त्यस्तै रास्वपाबाट ओमप्रकाश रावल, राप्रपाबाट लोकेन्द्र बहादुर शाह, नेपाल मजदुर किसान पार्टीबाट सुरेन्द्र शाही, नेकपा माओवादी लोकेन्द्र बहादुर शाही र स्वतन्त्र भिम बहादुर कुँवर उम्मेदवार बनेको छ ।

निष्कर्ष:

अछाम- १ बाट ४८ यता भीम रावल दुई पटक र शेर बहादुर कुँवर दुई पटक विजयी भएका थिए । त्यस्तै एक पटक गोविन्द बहादुर शाहले एक पटक चुनाव जितेका छन् ।

यसअघि गठबन्धन गरेर चुनाव हुने गरेकोमा यस पटक अलग अलग दलहरु चुनावमा भएकोले दल र उम्मेदवारको असली परीक्षा अछाम-१ मा पनि हुने देखिएको छ । अघिल्लो चुनावमा तत्कालिन एमालेबाट टिकट नपाएका भीम रावल यस पटक नेकपामा गएर उम्मेदवार बनेका छन् । नेकपाका हाइप्रोफाइल नेता भएकाले उनी चुनाव जित्ने सम्भावना भएका नेता हुन् । तर यस पटक गठबन्धन नभएकाले दल र नेताको प्रभावका आधरमा चुनावको नतिजा आउने छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट