नेपाली कांग्रेसमा अब कुनै गुट छैन, पार्टीको जिम्मेवारी युवाको काँधमा: शुक्रराज शर्मा

 नेपाली कांग्रेस गण्डकी प्रदेशका सभापति शुक्रराज शर्माले विशेष महाधिवेशनपश्चात् पार्टीभित्रका सबै गुट अन्त्य भएको दाबी गरेका छन्। कास्की क्षेत्र नं. २ को पोखरा-८ सिमलचौरस्थित चुनाव प्रचारप्रसार समितिको सम्पर्क कार्यालय उद्घाटन गर्दै शर्माले अब पार्टी एक ढिक्का भएर निर्वाचनमा होमिनुपर्ने बताए।

पार्टीको नेतृत्व र जिम्मेवारी युवाहरूको हातमा पुगिसकेको उल्लेख गर्दै उनले सुशासन, समृद्धि र महँगी नियन्त्रणका लागि कांग्रेस सदैव प्रतिबद्ध रहेको जिकिर गरे। "नेपाली कांग्रेस एउटा खुला किताब हो, जहाँ हरेक नागरिकले स्वतन्त्र रूपमा आफ्ना गतिविधि गर्ने वातावरण पाउँछन्," शर्माले भने।

कार्यक्रममा कास्की-२ का उम्मेदवार माधवप्रसाद बाँस्तोलाले कांग्रेसले 'जेनजी' का आवश्यकता र मागहरूलाई प्राथमिकतामा राखेर अघि बढ्ने बताए। त्यस्तै, क्षेत्र नं. २ का सभापति केशर निर्दोषीले बदलिएको कांग्रेसप्रति जनताको भरोसा बढ्दै गएको दाबी गरे।