एमालेको महाधिवेसन स्थल भृकुटीमण्डपमा ओली

काठमाडौं : नेकपा एमालेको ११औं राष्ट्रिय महाधिवेशनबाट नेतृत्व चयनका लागि मतदान जारी रहेको छ ।

आज बिहान ९ बजेर २० मिनेटदेखि शुरु भएको मतदानमा जारी रहेको छ । नेकपा एमालेको ११औ महाधिवेसन स्थल भृकुटीमण्डपमा अध्यक्ष केपी शर्मा ओलीले नेता कार्यकर्तासँग भलाकुसारी गरिरहेका छन् । उनी गायिका ज्योति मगरसँग कुरा गरिरहेको देखिएका छन् ।    

जारी मतदानमा एक जनालाई मतदान गर्न २० मिनेट लागिरहेको र एक पटकमा ८० जनाले मतदान गरिरहेको बताएका छन् । २२६३ मतदाता रहेकोकाले मतदान गर्न राति ९ बजेसम्म नै लाग्ने देखिएको छ ।

यसअघि एमालेको अध्यक्षका उम्मेदवारद्वय केपी शर्मा ओली र ईश्वर पोखरेलले विद्युतीय भोटिङ मेसिनबाट मतदान गरेर निर्वाचनको शुरुवात गरेका थिए । एमालेको नेतृत्व चयनका लागि सोमबार नै मतदान हुने भनिए पनि प्राविधिक कारण देखाउदै आजबाट मात्र मतदान शुरू भएको छ ।