देउवा र प्रचण्ड एमालेको महाधिवेशनमा सहभागी नहुने

२०८२ मङ्सिर २७ शनिवार

(राजनीति)

सारांश

एमालेले संसदमा प्रतिनिधित्व गर्ने दलसहित कुल १६ दलहरुलाई महाधिवेशनमा शुभकामना दिन निमन्त्रणा दिएको जानकारी दिएको छ ।

काठमाडौँ: नेकपा एमालेको ११औं महाधिवेशनमा नेपाली काँग्रेसका सभापति शेरबहादुर देउवा र नेपाली कम्युनिष्ट पार्टीका संयोजक पुष्पकमल दाहाल प्रचण्ड नजाने भएका छन् ।

एमालेले संसदमा प्रतिनिधित्व गर्ने दलसहित कुल १६ दलहरुलाई महाधिवेशनमा शुभकामना दिन निमन्त्रणा दिएको जानकारी दिएको छ । जस अनुसार कांग्रेसबाट कार्यवाहक सभापति पूर्णबहादुर खड्का जाने भएका छन् । त्यस्तै नेपाली कम्युनिष्ट पार्टीबाट नेता देव गुरुङले सहभागिता जनाउने भएका छन् ।

त्यस्तै एमाले महाधिवेशन अतिथि सत्कार कमिटीका अनुसार रास्वपाबाट महामन्त्री कविन्द्र बुर्लाकोटी, राप्रपाबाट अध्यक्ष राजेन्द्र लिङदेन, जसपाबाट उपेन्द्र यादव लगायतले सहभागिता जनाउने भएका छन् । एमालेले हालै दर्ता भएका नयाँ दललाई भने निमन्त्रणा नगरेको बुझिएको छ । त्यस्तै यस पटक समय अभावमा विदेशबाट कुनै पनि दलका प्रतिनिधि महाधिवेशनमा नआउने एमालेले जानकारी दिएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट