उत्पादनमा आधारित कम्युनिष्ट पार्टी बनाउन बामदेवको प्रस्ताव

काठमाडौं : नेपाली कम्युनिष्ट पार्टीका वरिष्ठ नेता बामदेव गौतमले विभाजित कम्युनिष्ट पार्टीलाई एक ठाउमा ल्याउने काम आज भन्दा अगाडी कहिल्लै नभएको बताएका छन् ।

नेपाली कम्युनिष्ट पार्टीको एकता राष्ट्रिय सम्मेलनमा बोल्दै नेता गौतमले अब यो पार्टीले देशमा समाजवाद ल्याउन सक्ने भन्दै त्यस दिशामा काम गर्नुपर्ने बताएका छन् ।

उनले संबिधानमा उल्लेख भएको समाजवादी अहिलेसम्म किन आएन भन्दै संयोजक पुष्पकमल दाहाल प्रचण्ड र सहसंयोजक माधवकुमार नेपालसँग प्रश्न गरेका छन् । उनले संबिधान बनेपछि नेताहरु अहिलेसम्म पटक पटक सरकारमा गएपनि समाजवाद किन आएन यसको जवाफ दिनुपर्ने बताएका छन् ।

नेता गौतमले कम्युनिष्ट पार्टीलाई उत्पादनमा आधारित पार्टी बनाउन पर्ने उल्लेख गर्दै अहिलेसम्म लेखेर र बोलेर समाजवादको कुरा गरिएको आरोप लगाए ।