सुर्य थापाको टिप्पणी- सुदन गुरुङ विदेशीको एजेन्ट !

काठमाडौँ : नेकपा एमालेका नेता सुर्य थापाले प्रधानमन्त्री सुशिला कार्की र हामि नेपालका प्रमुख सुदन गुरुङलाई विदेशीको खेलौना भन्दै टिप्पणी गरेका छन् ।

सामाजिक सञ्जालमा नेता थापाले अहिलेका मन्त्रीहरुले गुरुङको जि हजुरी गरिरहेको टिप्पणी गर्दै बरु नियुक्ति नै दिएर काम गराउन तर अनाधिकृत र गैरजिम्मेवार हप्कीदप्की र जवाफदेहीबिहीन आदेश निर्देश बन्द गर्न सुझाव दिएका छन् ।

उनले भनका छ- 

हाइज्याकर राज- हुल अफ ल !

संविधान, कानुन र राजकीय जिम्मेवारीले नचिन्ने संदीग्ध विदेशीका एजेन्टहरू कहिले पानी बोक्दै घुसपैठ गरेर रक्तपात र आगजनी गराउँछन्, कहिले राष्ट्रपतिलाई धम्काउन पुग्छन । पढ्नु न लेख्नु जान्नु न बुझ्नु मन्त्रालयमै पुगेर मन्त्रीको उपस्थितिमा उच्च तहका सरकारी कर्मचारीहरूको हुर्मत लिन्छन् ! अर्थमन्त्री जो स्वयं व्युरोक्रेसीबाट आएका हुन्, उनी हजुर सुदन सर भन्दै जी हजुरीका साथ लाचारी प्रदर्शन गर्छन् । गृहमन्त्री यसै भरौटेलाई विपद्को एक्सपर्ट(विज्ञ) भन्न शरम मान्दैनन् ।

जनताबाट निर्वाचित र उत्तरदायी भए पो लाज, घिन, डर र शरम लागोस त ? विदशीको खेलौना दलालतन्त्रमा यस्तै हुन्छ । मानौं यो लठैत सुशीला कार्कीको नियुक्तिको तथाकथित सिफारिशकर्ता मिस्टर लुसिफर(डार्कम्यान)को खास नायबी चलाइरहेको छ !

यसलाई नियुक्ति दिनुछ भने देउ भरौटे सरकार, तर अनाधिकृत र गैरजिम्मेवार हप्कीदप्की र जवाफदेहीबिहीन आदेशनिर्देश बन्द गर ! यो जोकरतन्त्र होइन, लोकतन्त्र हो ।