माओवादी केन्द्रले सक्रियताका साथ निर्वाचनमा भाग लिन्छ- प्रचण्ड

काठमाडौं: नेकपा माओवादी केन्द्रका विशेष महाधिवेशन आयोजक समितिका संयोजक पुष्पकमल दाहाल प्रचण्डले माओवादी केन्द्रले सक्रियताका साथ निर्वाचनमा भाग लिने बताएका छन् ।
 

सोमबार पार्टी केन्द्रीय कार्यालय पेरिसडाँडामा बसेको पार्टीको सचिवालय बैठकपछि सञ्चारकर्मीहरूसँग कुरा गर्दै प्रचण्डले माओवादी केन्द्र घोषित मितिमा निर्वाचन हुनुपर्छ र सबै राजनीतिक दल निर्वाचनमा सहभागी हुनुपर्छ भन्ने पक्षमा रहेको स्पष्ट गरेका हुन् । 

प्रचण्डले अन्य राजनीतिक दलहरूसँग पनि कुराकानी भइरहेको बताउँदै केही समयपछि त्यसको परिणाम देखिने दाबि गरे । उनले माओवादी केन्द्रको बैठकमा देशभर मनसुनजन्य विपद्ले पुर्याएको क्षति र अब गर्नुपर्ने कामको विषयमा छलफल भएको समेत बताए ।

जेनजी आन्दोलनको दबाबपछि पार्टीको नेतृत्व छोड्ने भन्दै विशेष महाधिवेशन घोषणा गरेका प्रचण्डलाई हाल पार्टीको नेतृत्व छोड्ने दबाब रहेको छ ।