बालेनको प्रचण्डलाई कटाक्ष- एकादेशमा टिकटक पनि 'ब्यान' भएको थियो

काठमाडौँ, २३ भाद्र । काठमाडौँ महानगरका मेयर बालेन शाहले माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री हुदा टिकटक प्रतिबन्ध गरेको सम्झाएका छन् ।

प्रचण्डले आज हुन लागेको युवाहरुको प्रदर्शन स्वाभाविक भएको भन्दै लेखेको फेसबुक पोस्टमा कमेन्ट गर्दै बालेनले प्रचण्डमाथि कटाक्ष गर्दै एकदेशआमा टिकटक प्रतिबन्ध भएको बताएका हुन् ।

बालेनले एकादेशमा टिकटक पनि बन्द भएको भन्दै भनेका छन्-  एकादेशमा टिकटक पनि ब्यान भएको थियो । हजुर पिएम हुँदा पनि म मेयर नै थिए, काम हजुरबाट पनि केहि भएन कमरेड, मेरो लागि एक दिन दिएको भए म काठमाडौँ को खोला नाला फेरी दिने थिए ।

प्रचण्डले युवाहरुको आजको आन्दोलन बारे भनेका थिए- सामाजिक सञ्जालमाथि रोक लगाउने सरकारको कदम गलत छ । सरकारले गरिरहेको भ्रष्टाचार र सामाजिक सञ्जाल अबरोधका विरुद्ध युवाहरूले गर्न लागेको प्रदर्शन स्वाभाविक छ ।

प्रदर्शनमाथि सरकारले बल प्रयोग गर्ने धृष्टता नगरोस। भ्रष्टाचारका विरुद्ध हाम्रो आन्दोलन जारी रहेको कुरा स्पष्ट छ ।