आइटी सदस्यहरुलाई प्रशिक्षण दिँदै जसपा नेपाल

काठमाडौं : जनता समाजवादी पार्टी (जसपा) नेपालले आइटी सदस्यहरुलाई प्रशिक्षण दिने भएको छ । 

पार्टीको केन्द्रीय आइटी विभागको आयोजनामा सामाजिक सञ्जालमा सक्रिय सदस्यहरुको लागि जनकपुरधामस्थित अञ्जनी सुइटमा सोमबारदेखि दुई दिवसीय प्रशिक्षण गर्न लागेको प्रचार विभाग प्रमुख पूर्ण बस्नेतले जानकारी दिए ।

सामाजिक सञ्जालहरुको प्रयोग र परिचालनलाई प्रभावकारी ढङ्गले व्यवस्थित गर्न तथा सूचना, सञ्चार एवं प्रचार प्रसारको संयन्त्रलाई अझ बलियो बनाउन सामाजिक सञ्जाल प्रयोगकर्ताहरुलाई पार्टी अध्यक्ष उपेन्द्र यादवलगायतका नेता तथा विज्ञहरुले प्रशिक्षण दिन लागेको बस्नेतले बताए ।

सामाजिक सञ्जालमा सक्रिय देशभरीका पार्टी सदस्यहरुलाई संघीयता, सुशासन, सामाजिक न्याय र समाजवादबारे समेत प्रशिक्षीत गरिने बताइएको छ ।