सुरुङभित्र फसेकाको उद्धारमा भएको ढिलाइ अमानवीय र गम्भीर विषय हो- भीष्मराज आङ्देम्बे

काठमाण्डौ, १७ भाद्र । नेपाली कांग्रेसका संसदीय दलका नेता भीष्मराज आङ्देम्बेले सुरुङभित्र फसेका नागरिकको खोज तथा उद्धारमा भएको ढिलाइ अमानवीय भएको टिप्पणी गरेका छन् ।

बुधवार प्रतिनिधिसभा बैठकलाई सम्बोधन गर्दै आङ्देम्बेले जलविद्युत आयोजनाको सुरुङमा फसेका नागरिकको उद्धारमा सरकारले ढिलाई गरेकोप्रति असन्तुष्टि व्यक्त गर्दै यसलाई अमानवीय भनेका हुन् ।

उनले भने- 'खोज तथा उद्धार अहिले सबैभन्दा बढी खड्किएको विषय छ । अझै पनि ६२ जिल्लाका ३९१६ नागरिक सम्पर्कविहीन भएको विवरण आएको छ । समयक्रममा यो अझै बढ्न सक्छ । समयक्रममा यो अझै बढ्न सक्छ । सुरुङभित्र फसेकाको खोज तथा उद्धारमा भएको ढिलाइ अमानवीय र गम्भीर विषय हो ।’

उनले सुरुदेखि नै सरकारी, निजी र आवश्यक परेको खण्डमा अन्तर्राष्ट्रिय प्रविधि र दक्ष टिमसहित उद्धारमा केन्द्रित हुनुपर्नेमा सरकारले त्यसो नगरेको आरोप लगाए ।

उनले २०७२ सालको भूकम्पमा तत्कालिन सरकारले भूकम्पको १२ घण्टा भित्र नै विदेशका विशेषज्ञ उद्धार टोली नेपाल आएको स्मरण गर्दै विगतका राम्रा काम सिक्न सरकार चुकेको बताए ।

आङ्देम्बेले प्रधानमन्त्री बालेन्द्र शाहले संसदमा अहिले सबै ठिक हुदै गएको र सबैसँग समन्यव गरेको बताए पनि आफु फिल्डमा गएर गरेको अनुभव त्यस्तो नरहेको बताए ।

उनले स्थानीय र प्रदेशलाई समन्यव नगरेको तथा सरकार एकतर्फी रुपमा अगाडी बढेको बताउदै जनताको दुखमा संसदको संख्या र राजनीति गर्न नहुने बताए ।