रसुवाबाट १९ लाख ५२ हजारसहित एक जना पक्राउ

२०८३ जेठ २४ आईतवार

(समाचार)

सारांश

यस सम्बन्धमा रसुवा जिल्ला अदालतबाट सात दिनको म्याद थप अनुमति प्राप्त गरी थप अनुसन्धान भइरहेको प्रहरीले जनाएको छ।

रसुवा: रसुवामा १९ लाख ५२ हजार १०० रुपैयाँ नगदसहित एक जनालाई प्रहरीले नियन्त्रणमा लिएको छ ।

जिल्ला प्रहरी कार्यालय रसुवाका अनुसार जेठ २३ गते गोसाइँकुण्ड गाउँपालिका–६ धुन्चे बजारस्थित अस्थायी प्रहरी पोस्ट धुन्चेबाट खटिएको प्रहरी टोलीले पासाङ ल्हामु राजमार्गमा सवारीसाधन तथा यात्रुको नियमित जाँच गर्ने क्रममा उक्त रकम बरामद गरेको हो ।

स्याफ्रुबेँसीबाट काठमाडौँतर्फ जाँदै गरेको ना १ ज ४८०७ नम्बरको भाडाको सुमो गाडीलाई रोकी जाँच गर्दा गाडीमा सवार गोसाइँकुण्ड गाउँपालिका–३ का ३५ वर्षीय मिङमार छिरिङ गुरुङले बोकेको झोलाभित्र ठूलो परिमाणमा नेपाली रुपैयाँ फेला परेको प्रहरीले जनाएको छ ।

बरामद रकममा एक हजार रुपैयाँ दरका एक हजार ८४५ थान नोट बराबर १८ लाख ४५ हजार रुपैयाँ, पाँच सय रुपैयाँ दरका २१३ थान नोट बराबर एक लाख ६ हजार ५०० रुपैयाँ तथा एक सय रुपैयाँ दरका ६ थान नोट बराबर ६०० रुपैयाँ रहेको छ। बरामद कुल रकम १९ लाख ५२ हजार १०० रुपैयाँ रहेको प्रहरीले जनाएको छ ।

रकमसहित गुरुङलाई नियन्त्रणमा लिई हुन्डी कारोबारसम्बन्धी कसुरमा अनुसन्धान अघि बढाइएको छ। यस सम्बन्धमा रसुवा जिल्ला अदालतबाट सात दिनको म्याद थप अनुमति प्राप्त गरी थप अनुसन्धान भइरहेको प्रहरीले जनाएको छ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट