भ्याट रकम हिनामिना गरेका कर अधिकृतसहित दुई जनाविरुद्ध मुद्धा दायर

काठमाडौँ : अख्तियार दुरुपयोग अनुसन्धान आयोगले आन्तरिक राजस्व कार्यालय धरानका तत्कालीन कर अधिकृत तिलक आलेसमेत २ जना र निर्माण सेवा प्रालिविरुद्ध विशेष अदालत काठमाडौँमा मुद्धा दायर गरेको छ ।

मोरङको सुन्दरहरैचा नगरपालिकाको गछिया खोलाको नदीजन्य पदार्थ उत्खनन बापतको रकमको मूअकर बापतको एक करोड २३ लाख ६९ हजार ६४९ रकम आन्तरिक राजश्व कार्यालयमा बुझाउनुपर्नेमा नबुझाएको पाइएको र अनुसन्धान गर्दा तत्कालीन कर अधिकृत तिलक आलेसमेत स्वामीनारायण निर्माण सेवा धरानका प्रबन्ध निर्देशक सन्तोष कुमार बस्नेतले मिलोमतोमा सो रकम लिएको पुष्टि भएकोले मुद्धा दायर गरेको अख्तियारले जनाएको छ ।

अख्तियारले दुवैलाई सो रकम बराबरको बिगो किटान गरेको छ भने कानुन अनुसार सजायको माग गरेको जनाएको छ ।