गत असोज १२ जस्तै जोखिम हुने खतरा छ, सतर्कता अपनाऔं: नेपाली कांग्रेस

काठमाडौं । नेपाली कांग्रेसले प्रक्षेपित भारी बर्षाको प्रतिकुलतासँग जुध्नका लागि सरकार, दलहरु र नागरिकलाई सजग रहन अपिल गरेको छ ।

गत बर्षको असोज १२ मा भएको जनधनको ठुलो क्षतिको पीडासँग देश अहिले पनि जुधिरहेको भन्दै कांग्रेसले पुर्व तयारी र प्रतिकार्यका लागि ७ बुँदे सतर्कता सन्देश पनि जारी गरेको छ ।

मुख्यसचिव कृष्णप्रसाद पौडेलले  सडक यात्रामा रहेका यात्रुहरुलाई मार नपर्नेगरी काम गर्न आब्हान गरेका छन् । ‘सडक बन्द गरिँदा र बाढीपहिरोले सडक अवरुद्ध हुनपुग्दा त्यसले यात्रु र स्थानीयवासीलाई पर्ने कष्टमा स्थानीय प्रशासन, स्थानीय सरकार, स्थानीय दलहरु र स्थानीय स्वयंसेवीमार्फत सहजीकरण गरौं, गराऔं,’ पौडेलले अपिलमार्फत भनेका छन् ।

१७ असोज ०८२
प्रक्षेपित भारी बर्षाको प्रतिकुलतासँग जुध्न
सरकार,दलहरु र नागरिकलाई सजगताको अपील
पोहोर असोज १२ मा भएको जनधनको ठुलो क्षतिको पीडासँग देश अहिले पनि जुधिरहेकै छ । गत भदौ २३ र २४ को घटनाले देश थप मर्माहत रहेकोे बेला फेरि बाढीपहिरोको ठुलै जोखिमको संकेत मौसम बिज्ञान विभाग र बिज्ञहरुले गरेका छन् । असोज १८ गते शनिबार साँझदेखि सक्रिय हुने प्रक्षेपण गरिएको भारी बर्षा गराउने प्रणालीको चुनौती सामना गर्न सम्पुर्ण सजगता र प्रतिकार्य तयारीका लागि सरकार, संबद्ध निकाय, दलहरू, स्वयंसेविहरु एवं सम्पुर्ण नागरिकमा 
नेपाली काँग्रेस हार्दिक अपील गर्दछ । 
पुर्व तयारी र प्रतिकार्यका लागि ७ बुँदे सतर्कता 
१. दशैंको टीका लगाउन या लगाइसकेर गन्तब्यमा फर्किन लाखौं नागरिक यतिबेला सडक यात्रामा छन् । अत मौसमको तीब्र प्रतिकुलता नजिकिएको सूचना प्रभावि रुपले सम्प्रेषण गरौं । 
२. सरकार र संबद्ध निकायले यस्तो बेला जारी गर्ने र गरेका सूचना अनिवार्य पालना गरेर सबै नागरिक सुरक्षीत रहौं, अरुलाई सुरक्षीत बनाउन सुसूचित गरौं । 
३. बाढीपहिरोको घोषित एवं संभावित जोखिम क्षेत्रका नागरिकलाई सुरक्षीत स्थलतर्फ केहिदिनलाई सार्नुपर्ने आवश्यकता ठहर भएका ठाउँमा अविलम्ब स्थानीय तह र स्थानीय प्रशासन मार्फत आवश्यक बन्दोबस्तको पहलकदमि गरौं । 
४. पहाडी भूगोल र हाम्रा सडक मार्ग उसैपनी जोखिमपुर्ण छन्, अत भारी बर्षाले प्रभावित हुने अनुमान गरिएका सडक मार्ग निस्चित अवधिकालागी अनिवार्य बन्द गरौं ।
५. सडक बन्द गरिँदा र बाढीपहिरोले सडक अवरुद्ध हुनपुग्दा त्यसले यात्रु र स्थानीयवासीलाई पर्ने कष्टमा स्थानीय प्रशासन, स्थानीय सरकार, स्थानीय दलहरु र स्थानीय स्वयंसेवीमार्फत सहजीकरण गरौं, गराऔं । 
६. विपदसँग जुध्न साधन, स्रोत र टिम तयारी अवस्थामा राखेर प्रतिकार्यमा प्रभावि ढंगको भुमिका तिनै तहका सरकारको समन्वयमा सम्पादन गरौं । 
७. तत्कालीन प्रतिकुल स्थिति दृस्टिगत गरेर जोखिमका संभावित क्षेत्रहरुमा अन्य सबै कार्य केहिदिनलाई थाती राखेर एक्यवद्ध भएर  चुनौती सामना गरौं ।
सरकारले युद्धस्तरमा सजगता र तयारी राखोस्, संभावित विपद सामना गर्न जिम्मेवार ढंगले सबै जुटौं । सरकार, दलहरू र सम्पुर्ण नेपालीमा नेपाली काँग्रेस हार्दिक आह्वान गर्दछ । साथै नेपाली काँग्रेसको सबै तहका साथीहरूलाई आफू कार्यरत ठाउँमा प्राकृतिक विपदसँग जुध्न स्वयंसेवि भावना साथ कार्य गर्न अपील गर्दछ । 
जय नेपाल । 
कृष्णप्रसाद पौडेल 
मुख्यसचिव