महेश बस्नेतलाई विधुतीय कारोबार ऐन अन्तर्गत कारवाहीको तयारी

काठमाडौँ, १४ असोज । नेकपा एमालेका नेता महेश बस्नेतलाई विधुतीय कारोबार ऐन अन्तर्गत कारवाहीको तयारी गरिएको छ ।

नेता बस्नेतले सामाजिक सञ्जालमा एक महिलालाई उदृत गर्दै लेखेको विषयमा अनुसन्धान गर्न जिल्ला सरकारी वकिलको कार्यालय काठमाडौँले नेपाल प्रहरीको साइबर ब्युरोलाई निदेशन दिएको हो ।

पत्रमा बस्नेतले फेसबुकमा लेखेको विषयको स्पष्ट गराउने र कुन प्रयोजनका लागि सो पोष्ट गरेको हो स्पष्ट गर्ने र अनुसन्धान गरेर राय पेश गर्न निर्देशन दिइएको छ ।

यसैबीच सामाजिक सञ्जाल र मिडियामा बस्नेतलाई पक्राउ गर्ने तयारी भन्ने समाचार आएपछि बस्नेतले सरकारले आफुलाई पक्राउ गर्न मिडिया ट्रायल गरेको बताएका छन् ।