रामेश्वर खनाल अर्थमन्त्री बन्दै

काठमाडौँ: पुर्व अर्थसचिव रहेका रामेश्वर खनाल नयाँ अर्थमन्त्री बन्ने भएका छन् । प्रधानमन्त्री सुशीला कार्कीको मन्त्रिपरिषदमा खनाललाई अर्थमन्त्री बनाउने निश्चित भएको हो ।

खानालले अघिल्लो सरकारले बनाएको उच्चस्तरीय आर्थिक सुधार सुझाव सिफारिस आयोगको नेतृत्व गर्दै ४४७ पृष्ठ लामो प्रतिवेदन बुझाएका थिए ।

आयोगले कात्तिक ७ गतेदेखि काम सुरू गरी पाँच महिना लगाएर प्रतिवेदन तयार पार्दै सरकारलाई अर्थतन्त्र सुधारका नीतिगत सुझाव दिएको थियो ।

प्रधानमन्त्री कार्कीले खनाल बाहेक कुलमान घिसिङलाई पनि मन्त्री बनाउने तयारी गरेको बुझिएको छ ।

नेपालको संबिधान अनुसार २५ जनासम्म मन्त्री बनाउन सकिने भएपनि कार्कीले ६ महिनामा आफ्नो कार्यभार सम्पन्न गर्ने बताइसकेकाले सानो तर विज्ञहरुको मन्त्रिपरिषद बनाउन लागेको बताइएको छ ।