वेस्टर्न मोटर्सले आफ्ना ग्राहकलाई दियो आईफोन १६ उपहार

काठमाडौँ : काठमाडौंको नारायण गोपाल मार्गमा रहेको वेस्र्टन मोटर्सले आफ्ना टाटाका ग्राहकमध्ये एक जनालाई लक्की ड्रमार्फत आइफोन १६ उपहार दिएको छ । 

वेस्टर्न मोटर्स गएको मार्च महिनाको ६ तारिकदेखि ३१ सम्म टाटाका गाडी खरिद गर्ने प्रत्येक १६ जना मध्ये एक जनालाई लक्की ड्रमार्फत आइफोन १६ उपहार दिने घोषणा गरेको थियो ।

सोहि अनुरुप तोकिएको मितिमा जम्मा २५ वटा गाडी बिक्री भएको र एकजनालाई आईफोन १६ उपहार दिएको जानकारी दिइएको छ । 

आईफोन १६ प्राप्त गर्नेमा ललितपुरकी रिना जोशी रहेकी छिन् । लक्की ड्र कार्यक्रममा रिना उपस्थित थिइनन् । त्यसैले उनलाई केहि समयमा उक्त उपहार प्रदान गरिने जानकारी दिइयो । 

वेस्टर्न मोटर्सका अध्यक्ष खगेन्द्र बमले आफ्नो कम्पनीबाट गाडी खरिद गर्ने गा्रहकलाई खुसी बनाउनका लागी मार्च महिनामा नयाँ स्किम ल्याएको जानकारी दिए । साथै उनले आगामी दिनमा पनि वेस्टर्न मोटर्सले यस्तै स्किम ल्याउँदै जाने बताए ।

कार्यक्रममा प्रमुख अतिथि वरिष्ठ कलाकार शेरबहादुर डिसीले यसरी कम्पनीले समय समयलाई ल्याउने स्किमले ग्राहकहरुमा टाटाका सवारी साधन किन्नमा रुचि जगाउने बताए ।