ॐकार एकता महाभियानको धार्मिक भेला जारी

काठमाडौँ: ॐकार एकता महाभियानले राजधानीमा धार्मिक भेला आयोजना गरेको छ। राजधानीको चाबहिल स्थित एस आर बैङ्केटमा बिहान ११ बजेदेखि भेला जारी छ।  

आज र भोलि संचालन हुने धार्मिक भेलामा सहभागी हुनका लागि देशभरबाट धार्मिक सन्त, महन्त, गुरू तथा मठाधिसहरू उपस्थित भएका छन्। साथै देशभरका धार्मिक अभियान्ता र हिन्दु राष्ट्र स्थापनार्थ खोलिएका संघसंस्था र यस्तै धार्मिक संघसंस्थाहरूको समेत उल्लेख्य उपस्थिति रहेको छ।

सनातन ॐकार परिवारको बिचमा एकता, समन्वय र सहकार्यको थालनी गर्ने उद्देश्य अनुरुप यो कार्यक्रम आयोजना गरिएको आयोजकले बताएको छ। देशका विभिन्न धार्मिक संघ संगठन, संस्थाहरू साथै विभिन्न सम्प्रदायहरू विचको एकता कायम गर्ने मुख्य उद्देश्य बताईएको छ।  

धार्मिक जागरण साथै धर्म रक्षार्थ भएका विगतका सकारात्मक कार्यहरूलाई आत्मसाथ गर्दै यस कार्यक्रमले राष्ट्र, राष्ट्रियता र स्व-संस्कृतिको रक्षाका लागि एकजुट हुने संकल्पका साथ यस क्षेत्रमा कार्यरत सम्पुर्ण धार्मिक  संघसंस्थाहरूविच एकता कायम गर्ने लक्ष्य लिएको छ।