दुर्गा प्रसाईँलाई धरौटीमा रिहा गर्न अदालतको आदेश तर उनी तत्काल नछुट्ने

काठमाडौँ: जिल्ला अदालत काठमाडौँले मेडिकल व्यवसायी तथा अभियान्ता दुर्गा प्रसाईंलाई ४० हजार धरौटीमा छाड्न आदेश दिएको छ।

साइबर अपराधको कसूरमा पक्राउ परेका प्रसाईंलाई बिहीबार न्यायाधीश विष्णुप्रसाद अवस्थीको इजलासले धरौटीमा छाड्न आदेश दिएको हो।

प्रहरीका अनुसार उनीमाथि आपराधिक विश्वासघातमा अनुसन्धान भइरहेकोले तत्काल रिहा भने हुने छैनन्।

प्रधानमन्त्री केपी शर्मा ओलीविरुद्ध मिथ्या र गलत सामग्री दुष्प्रचार गरेको आरोपमा प्रसाईं मंसिर ४ गते पक्राउ परेका थिए।

आपराधिक विश्वासघातको कसुरमा उनीमाथि सिआइबीले छानबिन गरिरहेको छ।

उनीबिरुद्ध विद्युतीय कारोबार ऐन–२०६३ अन्तर्गतको कसुरमा काठमाडौँ जिल्ला अदालतमा मुद्दा दर्ता भएको थियो।

साइबर ब्युरोले बुझाएको अनुसन्धान प्रतिवेदनको आधारमा जिल्ला सरकारी वकिल कार्यालयले उनीबिरुद्ध अभियोगपत्र दायर गरेको थियो।