प्रशासन मन्त्रालयलाई साम्पाङको पत्र: अधिकृत तुरुन्त पठाइदिनु पर्‍यो

धरान उपमहानगरपालिकाले संघीय मामिला तथा सामान्य प्रशासन मन्त्रालयलाई प्रमुख प्रशासकीय अधिकृत तुरुन्त खटाउन आग्रह गरेको छ।

नगरपालिकाले हालसम्म प्रमुख प्रशासकीय अधिकृत नआउँदा जनताको कामकाजमा समस्या भएको उल्लेख गर्दै चाँडो पदाधिकारी खटाउन पत्राचार गरेको हो।

नगर प्रमुख हर्कराज राईद्वारा हस्ताक्षरित पत्रमा धरानका जनताले प्रमुख प्रशासकीय अधिकृतको अनुपस्थितिका कारण सेवा प्रवाहमा कठिनाइ भोग्नुपरेको उल्लेख छ।

पत्रमा उल्लेख छ ‘उपर्युक्त सम्बन्धमा धरान उपमहानगरपालिकाको प्रमुख प्रशासकीय अधिकृत कहिले पठाइदिने होला ? यहाँ जनताको काम अड्किएर गाह्रो भैसक्यो। लौ न तुरुन्त पठाइदिनु पर्यो। धराने जनता पनि नेपाली नागरिक नै हुन्। धराने जनताको काम गर्ने प्रमुख प्रशासकीय अधिकृत तुरुन्तै पठाइदिन अनुरोध छ।’