ट्रम्प प्रशासनले १५ हजार ट्रान्सजेण्डरहरूलाई सैनिक सेवाबाट निकाला गर्ने

अमेरिकाका नवनिर्वाचित राष्ट्रपति डोनाल्ड ट्रम्पले जनावरी २०२५ मा पदभार सम्हाले लगत्तै ट्रान्सजेण्डरका सम्बन्धमा एक ठुलो आदेश जारी गर्न सक्नेछन।  उनले अमेरिकी सेनाबाट ट्रान्सजेन्डर सैनिकहरूलैई हटाउने उद्देश्यले एक कार्यकारी आदेशमा हस्ताक्षर गर्ने तयारी गरिरहेका छन्।

ट्रम्पको यस आदेशले अमेरिकी सेनामा रहेका करिब १५ हजार ट्रान्सजेण्डरहरू प्रभावित हुनेछन। उनीहरूलाई सैनिक सेवाबाट निकालिने छ । सैनिक सेवामा रहेका हजारौं ट्रान्सजेण्डरहरूलाई मेडिकल आधारमा अनुपयुक्त घोषित गर्दै निकालिनेछ ।

यदि ट्रम्पको यो आदेश लागु भयो भने यो उनको पहिलो कार्यकालमा पेश गरिएको निर्देशन भन्दा व्यापक विवादास्पद हुन सक्छ।  ट्रम्पले आफ्नो पहिलो कार्यकालमा ट्रान्सजेण्डर व्यक्तिहरूलाई सैनिक सेवामा भर्ति हुनका लागि प्रतिबन्ध लगाएका थिए। तर पहिले देखिने सैनिक सेवामा रहेकाहरूलाई भने निरन्तरता दिन अनुमति थियो । जो बाईडेनले सत्ता सम्हालेसंगै ट्रम्पको यो आदेशलाई खारेज गर्नका लागि उनले एक कार्यकारी आदेश जारी गरेका थिए।  

यसका साथसाथै डोनाल्ड ट्रम्प ट्रान्सजेण्डरका रुपमा महिलाको खेलमा पुरुषको प्रवेशको बिरोध गर्दै आएका छन्। अमेरिकामा २४ राज्यमा ट्रान्सजेण्डरहरुलाई माहिलाको खेलामा सहभागी हुनका लागि रोक्ने कानुन छ । ट्रम्पले यस्ता कार्यहरू रोक्नका लागि अन्य ठोश कदम उठाउन सक्छन ।

गत अगष्टमा भएको ओलम्पिक, जहाँ ट्रान्सजेण्डर खेलाडि (परिवर्तित महिला) र एन्जेला कारिनी बिचको बक्सिङ्ग खेल पछि ट्रान्सजेण्डरका सम्बन्धमा विश्वभरीबाट व्यापक बिरोध समेत भएको थियो ।