सवारी चालक अनुमतीको ट्रायल पासपछि अब लाइसेन्स कार्ड आवश्यक नपर्ने

काठमाडौँ - प्रधनमन्त्री खड्ग प्रसाद शर्मा ओलीले आफ्नो फेसबुकको भित्तामा लेखे अनुसार, सवारी चालक अनुमतिको लागि ट्रायल पास गरेपछि अब लाइसेन्स कार्ड आवश्यक नपर्ने व्यवस्था गरिएको छ । नागरिक एप मार्फत सम्बन्धित व्यक्तिको मोबाइलमा लाइसेन्स उपलब्ध हुने छ । सवारी नियम उल्लंघनमा ट्राफिक प्रहरीले चिट काट्दा सम्बन्धित ठाउँमै डिजिटल पेमेन्ट गर्ने व्यवस्था गरिएको छ । यसले सवारी लाइसेन्स छपाइ नहुँदा परेको समस्या अन्त्य भएको छ भने सवारी नियम उल्लंघनमा जरिवाना तिर्दा हुने झन्झट हटेको छ । भोलिदेखि बागमती प्रदेश यातायात व्यवस्था कार्यलयबाट परीक्षणका रूपमा यो व्यवस्था सुरु हुने छ। नागरिक एपमा अरु सेवा पनि थप्ने तयारी गरिएको छ । कुनै पनि कामको लागि लाइन बस्नु पर्ने समस्याबाट मुक्त गर्ने तयारीमा हामी लागेका छौं। राज्यले नागरिकलाई छिटो सेवा प्रवाहमा यसले सहयोग पुग्नेछ भन्ने हामीले आशा राखेका छौँ ।

यदी तपाईंको मोबाइलमा वालेट वा मोबाइल बैंकिङ छैन भने पनि त्यहाँ 'जेनेरेट' हुने डिजिटल भौचर नम्बर वा चिट नम्बर प्रयोग गरी आफन्त वा मित्रजनहरुले समेत भुक्तान गर्न सक्नुहुनेछ ।