पूर्वराजा ज्ञानेन्द्र शाह स्वदेश फर्किए

काठमाडौं- चार दिने भुटान भ्रमण सकेर पूर्वराजा ज्ञानेन्द्र शाह आज आइतबार स्वदेश फर्किएका छन्।

भुटानी राजपरिवारको निमन्त्रणामा बिहीबार त्यसतर्फ प्रस्थान गरेका पूर्वराजा शाहलाई विशेष सम्मान दिइएको थियो।

पूर्वराजा शाहाको भुटान भ्रमणबारे आधिकारिक रुपमा भुटान तथा निर्मलनिवासका तर्फबाट आधाकारिक रुपमा केही नभनिएपनि यसको कुटनीतिक तथा राजनीतिक महत्त्व हुनसक्ने विश्लेषकहरूले बताएका छन्।  

भ्रमण टोलीमा उनकी छोरी प्रेरणा, भतिजी सितास्मासहित उनको सचिवालयका सहयोगीहरू पनि सामेल थिए।

शाह ड्रुक एयरलाइन्सको विमानबाट आज बिहान सवा ८ बजे त्रिभूवन अन्तर्राष्ट्रिय विमानस्थलमा अवतरण गरेका हुन्।