नेप्सेमा गिरावट, ५ अर्ब ६२ करोडको कारोबार

काठमाडौँ: नेप्से आज पनि दोहोरो अंकले घटेको छ । आज शुक्रबार नेप्से ११.३७ अंकले घटेर २७५५.४१ विन्दुमा पुगेर रोकिएको छ ।

आज ३५१ कम्पनिका एक करोड २७ लाख ३२ हजार ८६८ कित्ता शेयर ५ अर्ब ६२ करोड ५६ लाख ११ हजार ८२३ मा कारोबार भएको थियो । आज फाइनान्स, होटल्स, म्युचुअल फण्ड र निर्जीव फण्ड बाहेक सबै क्षेत्रको शेयर मुल्य घटेको छ ।

आज, सबैभन्दा बढी कालिन्चोक हाइड्रोको शेयरमा सकारात्मक सर्किट लागेको छ भने उपकार लघुवित्तको शेयर ९.७१ प्रतिशतले बढेको छ । त्यस्तै आज सबै भन्दा बढी सिद्धार्थ बैंकको डिभेन्चरको शेयर ४.९२ प्रतिशतले घटेको छ ।  

त्यस्तै आज सबै भन्दा बढी अन्खु खोला जलविद्युतको ५५ करोड ६९ लाख बराबर कारोबार भएको छ भने सिटी होटल्सको १९ करोड ५९ लाख बराबरको कारोबार भएको छ ।