नेप्सेमा सामान्य गिरावट, ८ अर्ब ६६ करोडको कारोबार

काठमाडौँ: नेप्सेमा आज गिरावट आएको छ । आज सोमबार नेप्से ४.१८ अंकले घटेर २८३३. ६० विन्दुमा पुगेर रोकिएको छ ।

आज ३४२ कम्पनिका २ करोड १ लाख ६३ हजार ७९३ कित्ता शेयर ८ अर्ब ६६ करोड ५५ लाख ६८ हजार ६४१ मा कारोबार भएको थियो । आज होटल्स, हाइड्रो, लगानी, उत्पादन, म्युचुअल फण्ड र निर्जीव वीमा बाहेक सबै क्षेत्रको शेयर मुल्य घटेको छ ।

आज, सुपर खुदी, होटल फोरेस्ट इन, सुर्यकुण्ड हाइड्रो र पाल्पा सिमेन्टको शेयरमा सकारात्मक सर्किट लागेको छ । त्यस्तै, रिज लाइन इनर्जीको शेयर ९.९९ प्रतिशतले बढेको छ ।  त्यस्तै आज सबैभन्दा बढी युनिक नेपाल लघुवित्तको शेयर ३.६० प्रतिशतले घटेको छ ।

त्यस्तै आज सबै भन्दा बढी नेशनल हाइड्रोको ९३ करोड १९ लाख बराबर कारोबार भएको छ भने रिडी पावरको ४९ करोड १९ लाख बराबरको कारोबार भएको छ ।