नेप्से ८३.३३ अंकले बढ्यो, १० अर्ब ९२ करोड कारोबार

काठमाडौँ: नेप्सेमा आज हरियाली छाएको छ । आज सोमबार नेप्से ८३.३३ अंकले बढेर २७६०. ०२ विन्दुमा पुगेर रोकिएको छ ।

आज ३४५ कम्पनिका २ करोड ५१ लाख ५५ हजार ८५४ कित्ता शेयर १० अर्ब ९२ करोड ८५ लाख ६ हजार ८६३ मा कारोबार भएको थियो । आज सबै क्षेत्रको शेयर मुल्य बढेको छ ।

आज, उपकर लघुवित्त, भुजुङ हाइड्रो,  रिडी पावरको शेयरमा सकारात्मक सर्किट लागेको छ । त्यस्तै सुपर खुदि, सुर्यकुण्ड हाइड्रो, होटल फरेस्ट इन र रिज लाइन इनर्जीको शेयर ९.९९ प्रतिशतले बढेको छ ।  त्यस्तै आज सबैभन्दा बढी लक्ष्मी बैंक डिभेन्चरको शेयर ३.१० प्रतिशतले घटेको छ ।

त्यस्तै आज सबै भन्दा बढी रिलाइन्स स्पिनिग मिल्सको एक अर्ब १३ करोड ५८ लाख बराबरको कारोबार भएको छ भने हिमालयन रिइन्सुरेन्सको ५४ करोड ९२ लाख बराबरीको कारोबार भएको छ ।