एनएमबिको नयाँ सेवा: देशभरका एटीएमबाट निःशुल्क पैसा झिक्न सकिने

बैंकिङ सेवालाई अझ परिष्कृत बनाउँदै एनएमबि बैंकले आफ्ना ग्राहकका लागि दुईवटा नयाँ भिसा प्लाटिनम डेबिट कार्ड सार्वजनिक गरेको छ । बैंकले ‘प्लाटिनम डेबिट डिलाइट’ र ‘प्लाटिनम डेबिट’ मार्फत ग्राहकलाई विश्वस्तरीय बैंकिङ अनुभव प्रदान गर्ने लक्ष्य राखेको छ ।

यस सुविधा अन्तर्गत ग्राहकले विभिन्न व्यापारिक प्रतिष्ठानहरूमा विशेष छुट र अन्तर्राष्ट्रिय तथा आन्तरिक विमानस्थलका लाउन्जहरूमा सहज पहुँच पाउनेछन् । यात्रा र आधुनिक जीवनशैलीलाई प्राथमिकता दिने ग्राहकका लागि ‘प्लाटिनम डेबिट डिलाइट’ कार्ड विशेष उपयोगी हुने बैंकको दाबी छ ।

यो कार्ड प्रयोग गर्ने ग्राहकले नेपालभित्रका कुनै पनि बैंकको एटीएम बुथबाट बिना शुल्क पैसा झिक्न सक्नेछन् । साथै, भारतीय एटीएम प्रयोग गरी नगद झिक्दा समेत विशेष सहुलियत प्रदान गरिने बैंकले जारी गरेको प्रेस विज्ञप्तिमा उल्लेख छ ।