राष्ट्र बैंकले ४० अर्ब रुपैयाँ बैंकिङ प्रणालीबाट खिच्दै

काठमाडौं : नेपाल राष्ट्र बैंकले बैंकिङ प्रणालिमा रहेको अधिक तरलता व्यवस्थापन गर्न ४० अर्ब रुपैयाँको निक्षेप संकलन गर्ने भएको छ। आज मंगलबार पुस ९ गते उक्त निक्षेप संकलन उपकरणको बोलकबोलका लागि राष्ट्र बैंकले सुचना जारी गरेको छ । 

राष्ट्र बैंकले बैंक तथा वित्तीय संस्थाहरुको अधिक तरलता खिच्न निक्षेप संकलनमार्फत् १२ दिनका लागि ४० अर्ब रुपैयाँ लिने भएको हो ।

राष्ट्र बैंकले क वर्ग, ख वर्ग र ग वर्गका बैंकमा रहेको निक्षेप खिच्ने छ। यसका लागि इच्छुक बैंक तथा वित्तीय संस्थाले आज दिउँसो २ बजेसम्म बोलकबोलमार्फत आवेदन दिन सक्नेछन् । आवेदन अनलाईन बिडिङ्ग सिस्टम सफ्टवेरमार्फत हुनेछ।

यसको ब्याजदर भने बोलकबोल बाटै निर्धारण हुनेछ । बैंक तथा वित्तीय सस्थाहरुले न्यूनतम रु १० करोड र अधिकतम रू ५ करोडले निःशेष भाग जानेगरी निष्कासित रकम बराबरको माग गर्न सक्नेछन् ।

बैंकहरूमा रहेको अधिक तरलता व्यवस्थापन गर्नका लागि राष्ट्र बैंकले समय अनुसार बोलकबोल बिधिद्वारा निक्षेप खिच्ने कार्य गर्दै आएको छ।  

यस्तो छ राष्ट्र बैंकको सुचनाको पूर्णपाठ: